Saturday, September 16, 2006

من أنا؟

6 comments:

Cheb Amadou said...

انا ببساطة انسان، انسان فقط، ربما انتمى لأشياء كثيرة دون ارادة منى اقبل بعضها وارفض البعض الآخر، ولكن الشئ الذى يجمعنى معك يا من تقرأ أيا كنت اننا بشر ولسنا أى كائنات أخرى وهذا أكثر شئ لو اتيحت لى فرصة اختياره لاخترته عن اقتناع تام، أكره أن أكون الملاك النورانى أو الشيطان النارى، انا المزيج بينهما، انا مثلك ابن الطين.

Amr said...

مبروك المدونة الجديدة يا باشا أكيد هاستمتع بقرائتها

Mai Kamel said...

مبروك البلوج يا فندم وان شاء الله ادخل المرة الجيه الاقي ناس وزحمة ودوشة وبوست كتير
:)
لي عودة
إلى الأمام يا رومل

Cheb Amadou said...

عمرو ومى:الله يبارك فيكم، متشكر ع المباركة الجميلة للمدونة اللى تقريباً ماحدش بيقراها.

شقلوطة:تعليقك فى نوع من الاستفزاز اللذيذ، استفزاز لأن ماظنش ان الاجابة دى حتتغير أبداً الا لو مابقتش بنى آدم وده أظن أنه صعب شوية، ولذيذ بقى لأن التعليق اللى يقراه يفهم انى جدتى بتكلمنى مثلاً، لكن لما حيقرا الاسم شقلوطة أكيد حتتبدد فكرة اسداء النصح من ذهنه تماماً، وده اللى حصلى لأنى قريت التعليق قبل ما اقرا اسم اللى كاتبه.

Yasmine Adel Fouad said...

أنت - بعد - بشر و من طين
أنت طيف فى فضاء لا يتسع بالضرورة للجميع


مبروك البلوج بقى
معلش بحشر نفسى فى أى حاجة باين

Cheb Amadou said...

أنا حرة: تشبيهك اجمل من أن يوصف.والله يبارك فيكى واحشرى نفسك فى كل المواضيع ياريت.
شقلوطة: اطمنى مفيش زعل. وماظنش عموماً ان فى حد بيحب النصيحة سواء اسداءها او الاستماع اليها.